A Charrada, Revista Anyal

A Charrada a Revista

As Favors en Politica en tienen Pre

A istas altarias ya cosa puet xorrontar-nos. En tres anyadas hemos veyito a cayedura de gubiernos trigaus democraticament per os ciudadans y sustituyius per tecnocratas a nomina  d’os grans cabals.

Hemos veyito a semisión d’unos países a plans economicos durismos, imposaus  sin contar con  l’emparo popular, qu’amaneixen  a amagatons sin que no dengún haiga tenito l’enchaquia de concarar-los en os pogramas electorals. Unos plans que només  obedeixen que a imposicions d’atros Estaus més cerenyos que lis arranan, destinaus soque a  asegurar  a bosadura t’os bancos  acreyedors d’a  debda  sobirana agún pasando   sobre o cadavre de l’Estau d’o Buempasar y d’a voluntat  popular exprisada librament en referéndum.  Plans d’achuste que condenan inexcusablement a l’entibadura d’a crisi como en han venito advertindo continament muitos y muit prestichiosos economistas espanyols y foranos. Ixo que en atros tiempos se consideraba una sincherencia en os afers  internos d’un Estau Libre – y  un gran  incident diplomatico- hué en ye rutina diyaria  adintro l’Unión  Europeya.

Hemos veyito reformas constitucionals feitas  “con nocturnidat y  traidoría”  sin contar con a voluntat popular  y disenyatas dende estudietz foscos  a favor d’anglucias y presonas  muit concretas pero amagadas baixo  a denominación chenerica y  intresada de “mercaus”.

Totas istas politicas, prenitas  aparentament con a desincusa de calmar os mercaus, prevocan refitolerament  l’efecto contrario d’o pretendito. O sentiu común que totz en tenemos calerba d’enfilar-nos a os ciudadans a qüestionar-las fundament. Luen d’ixo, una  minoria muit important de votants  (diez millons,  alto u baixo un 30% d’a totalidat) ha dato  o suyo emparo politico ta un partiu  con a solenca promesa  de “fer lo que calga fer”

Chirar ta Cuchas ta veyer a Surtida

Bi'n ha de alternativas. Lo asegura dende a portalada o libro d'os economistas Vicenç Navarro, Juan Torres y Alberto Garzón. Lo segundia en o suyo subtítol: “Proposas ta creyar d'emplego y buempasar social en Espanya”, un esbarre qu'a politica actual sentencia de incompatible.

Y lo argumenta un galet de ideyas trenatas con cifras que niegan cadagún d'os tarabidaus que emparan a corrient de pensamiento dominant.

No bi'n ha un exceso de gasto publico en Espanya, Bi ha una manca de ingreso que se'n puet ateclar. O rebaixón de chornals no amillora a competitividat, esmerma o gasto y, per tant, a requesta interna y aneula a os treballadors, que son obligaus a endebdar-se. Si o numero de servidors publicos estase parellán a lo sueco (25% de a población debant de lo 9% de Espanya), bi haberba millors servicios socials y se i creyarban cinco millons de empleyos. Pero, ta ixo, ye menister una estructura fiscal como a sueca, que premitise plegar 200.000 millons d'euros més anyals.

 "Hay Alternativas" proposa chornals més altos,  més inversión publica y una potent luita cuentra o frau ta salvar a lo país d'un present con os cabals cada vegada més concentraus. a on l'equivalent en recursos a lo 80.5% d'o P.I.B. ye controlau per una crica de només de 1.400 presonas.O solenco país d'a O.C.D.E. en o que no bi'n ha habita pas una puyada  real de chornals dentre 1995 y 2005. A on, per eixemplo,  os mayors recullidors de aduyas agrarias d'a  Unión  Europeya continan estando-ne a familia  Mora  Figueroa  Domecq, a Duquesa de Alba, o Duque del Infantado o a Companyía de Chesús”.

Os "Nuestros" Super-ricos y o P.I.B.

Xorrontador:

 En Espanya, o 0.0035% d'a población controla recursos equivalents a  lo 80.5% d'o Producto Interior Bruto (PIB) de l'Estau. Encá, o venient gubierno salient d'os votadors (y l'anterior tampoc no) no creye  pas convenient aplicar denguna mena de midas redistributivas como, per eixemplo, serba puyar o IRPF d'as clases més altas, una Tasa Tobin t'as Transaccions Financieras, puyar l'impuesto de Sociedatz ta grans interpresas,...etc,etc, etc.

Ta rematar, tos dixo con  un articlo de Ignacio Escolar, amán d'o que escaicié en  a primera anyada d'a Crisi. Més d'o mesmo,  ha pasato en as dos anyadas venients y tot ixo explanica muit bien a cayedura  permenada per o partiu socialista en istas  eleccions de noviembre. Espernir as  lechitimas aspiracions d'os tuyos votants ta satisfer intreses més  inconfesables  cutio en tien un pre en politica.

Estioron 12 meses tant de xorrontadors, tant dramaticos,  que as grans fortunas espanyolas  se tornoron un 27% més ricas. Os biens interpresarials  d'Amancio Ortega se facioron un 37% més grans, os de Emilio Botín un 71%, os de Esther Koplowitz  un 24%. O deficit, se  multiplicó per cinco. O PIB tresbatié un 3.6% y  l'ature adhubié o 18%. Pero qu'a miseria no acete o champán, que o 2009 tampoc no ha estato ta tant, que a Bursa ha puyato un 30% y ahiere abastó o  suyo maximo anyal. Dende l'alto d'os 12000 puntos piramidals de l'IBEX 35. 12 meses de mierda mos alufran. A crisi ye asimetrica. Relativa (...)

Contando os Cuerpos como si estasen Uellas

Só farto de televisión. M'envolica, m'empandulla, m'empacha de pensar. Quan plego d'o treballo só canso, profés, como muita chent. Manimenos encara hué no m'agana de veyer as noticias esbirriayadas que mos amostran dende a caixa fata con as suyas meyas verdatz.

Tampoc no veigo os pogramas d'a tele basuera, que bi'n ha un fascal, totz pensaus ta mantener-nos enreligaus a lo sofá, sin discurrir ni mica ni brenca.

Muitas chents, en veyer a tele veyen as victimas d'as guerras només como si estasen actors de bella pericla de Stallone sin d'emoción denguna No trigan ya realidat de ficicón, no lis se da ya cosa. Ixuplidan asinas qu'ells son tamién victimas d'o sistema que mos acotola y achica china chana os nuestros dreitos. A televisión ye un nueu opio ta lo pueblo.

Manimenos a yo m'agana d'esbulligar-me quan veigo un muerto, un nino afamegau u qualsiquiera atra esferra,

d'encarranyar-me encá con as sinchusticias, que bi'n ha muitas.

Quan tot ixo deixe de fer-me duelo habré deixato d'estar presona. Habré esdevenito en uella. Igual como a resta d'espectadors que se privan de cabilar soque perque no ye de moda.

Tos deixo un vidio qu'he penchato de A Perfect Circle que charra de tot ixto con buena mosica. Tien subtetulos n'aragonés. Només tenetz que punchar o "cc" ta veyer-los.

Que tos cuaque.

15-O; Manifestacions Pacificas y Cambalaches Mediaticos.

O Diya 15 d’octobre pasato estié un diya inxuplidable tatotz os que deseyamos una cambeo n’as politicas antisocials que se son fendo alivel global. Yera a primera vegada que se feba una manifestaciónmundial cuentra ixas politicas. Y estié, un exito gordo. Sies ciudatz aragonesas congregoron a mes de 40.000presonas y muitas mes en l’estato espanyol y a resta d’Europa.

Chents fartas d’a mezquinidat d’os politicos tamiénsurtioron t’as carreras en EstatosUnitos y l’America latina. As chents probas, as chents treballaderas,son fartasde que las manipoleyen y dicen ya quebi’n ha prou. Prencipiporon a dicir-loquan emplioron as carreras y plazas d’Espanya ta lo 15-M y, deinde allora “ The Spanish Revolution”, como muitos la i claman, no ha feito que espardir-se pertotas partis. Cada diya as suyas voces s’ascuitan mes alto.

As suyas proposas están bien de cristalinas y, anque osmeyos de desinformación de masas s’empecinan en emporquiar a lo movimientoacusando-lo d’estar violento,marchinal y de extrema cucha., as suyasacusacions dixan platera nomes qu’a suyaparcialidat.

N’istas envueltas o diya 16 lo emplegué, como muitos otris,ta leyer a prensa local y estatal, as reaccions de totz: Os politicos (cuentraqui as protestas yeran enfilatas); os mass media; y os organizadors d’a manifestación. Cal dicir-ie que me pasóuna cosa bien de refitolera qu’aimo derecentar astí.

Xovinismo Aragonés y Mosica Americana

Ahier,diya d'a patrona d'Aragón, con aragoneses de qualsiquiera parti  n'as carreras, profés que yo tamién me dixé cayer per o casco  zaragozán t'alentar una mica d'ixe ambient festivo nuestro.

Tristament, o xovinismo aragonés prencipia o diya 12 de maitinada -quan  toz se visten con os traixes tipicos,  quan no topicos -y ufren flors ta  ra virchen Pilara,  y remata a la tardada quan as chents se recullen n'as casas suyas.

O nuestro xovinismo pende de  vistir-se de baturr@ ixe diya,  y cantar xotas-os menos- y ascuitar-las-os  mes. Disgraciadament, tant  encletau en ie, que no  abasta ta  cantar  bellas d'ixas xotas n'a  luenga aragonesa, tot lo mes  ta dixar cayer bells achiquidors en ico, ica, -ni sisquiá  et, eta, mes tradicional y achustau a ixe traixe que portian.

Ye refitolero, pero o 12 d'octobre ye o diya que menos patriotero me siento yo. Talment siga perque s'enreliga iste diya  con l'Hispanidat, de  trista remeranza ta  quas itotz os pueblos endichenas d'America   y  ta ras luengas  d'Espanya u quemisió perqué.

Me prexino que só muito envolicau, lo caso  ye que aprofeité ta veyer un  concierto que esfruté muito. Tanyeba This Frontier needs Heroes (Ista Muga  amenista d'Heroes), n'a plaza d'a  Chusticia y, con catervadas per totas partis, astí no bi hebanos ni 100 presonas.

O suyo nombre encastra muit bien con iste país nuestro a on cal  d'estar  un heroe ta, indo cuentracorrient, exprisar os tuyos prexins  en luenga aragonesa, luenga ignorata y rediculizata per quasi  totz.

 Tanyeban con nomes  qu'una sinfoina, guitarra electrica y una pandereta. A moceta li feba  coros percutidors a lo cantaire de voz esgarrata,. semblaban cantas  de sirena.

Tot un luixo qu'aimo truxar con vusatros hué. Per ixo tos  dixo iste vidio d'ista colla mosical a qui lis  diseyo  lo millor. Están americans  y cantan  n'anglés- A canta se diz "Leopard Eyes".

Goyosos Pilars ta totz!

L'Emplego Tuerto d'as Parolas

Carta a Lo Director de”El País”, per Vicenç Navarro. 4 d’octubre de 2011

En l’artíclo “La protesta social prende en Estados Unidos” (03-10-11) o suyo corresponsal clama a lo movimiento Occupy Wall Street com’una ¿”antitesi liberal” d'o Tea Party?, qualo ye incorrecto y creya un gran trafuque. O corresponsal ha translatito literalment o termin liberal d’o luengache politico estatochunidense a lo termin liberal europeyo sin parar cuenta, seguntes se’n veye, de qu’un liberal en Estatos Chunitos ye una presona, u colla politica, u movimiento social, que proposa midas redistributivas, puyadas d’os impuestos sobr’os cabals, unas politicas fiscals altament pogresivas y un alto entrevencionismo publico n’as esferas economicas y socials con l’universalización d’os dreitos laborals y socials, politicas qu’en Europa gosan clamar-se socialdemocratas. A translacción literal d’o termin liberal, que alcurre asobén n’os meyos espanyols, orichina un gran trafuque en Espanya.

15 d’octubre. Chuntos per un Cambeo Global.

Hué, he quiesto penchar astí una translacción d’o texto d’o movimiento  entrenacional 15-M ta esbellugar a ras chents  ta manifestar-se o venient 15 d’octubre n’as carreras cuentra o dominio d’os banquers d’a nuestra clica politica. Creigo que fa honra d’espardir iste mensache ta prebar de rechirar una situgación tant de sinchusta como menazadera ta ra democracia.

O venient 15 d’octubre, pueblos de tot lo mundo surtirán ta ras  suyas carreras y plazas. Deinde America ta l’Asia y  deinde Africa t’a Europa, as chents se son devantando ta fer valer os suyos dreitos  y demandar una democracia real.  Agora ye inte t’achuntar-nos totz en una protesta global  y no violenta.

Os poders enfilants  nomes  treballan que  per  l’esquimen d’uns poquetz  mientres ignoran a voluntat d’a graniza mayoría, asinas como tamién  l’alto pré human y meyoambiental que femos d’apocar  totz. Ista situgación inestraficable cal rematar-la.

Chuntos en una solenca voz, feremos saper a ros politicos y a ras elites financieras a quí sirven, que mos pertoca a nusatros,  o pueblo soberán, decidir o nuestro esdevenider.

Sendicatos: Verdatz y Mentiras amán d'Ells

Quan charramos de sendicatos muita chent tien pareixers concaraus. Se dicen muitas falsedatz amán  d’istos deinde os mas media y per isto bruxian d’un gran esprestichio.

Manimenos istas falsedatz surtidas deinde meyos de comunicación de dandalosa obchectividat –quan no una platera parcialidat- están fácilment desarmatas per os datos que conoixemos y  per as estadisticas.

O vidio penchau a contino, pren de esplanicada bell unas d’ixas falsedatz.

Espanyistán, de cuchas y dreitas

No aimo sacar culpas a no dengún d’a crisi economica n’a que ye metida Espanya deinde fa bellas anyadas. Manimenos, hué yera veyendo vidios per Internet sobre quientas explanicacions  a l’orichen d’ista y, cómo no, se i troba ún bell unas muit esferents .

M’aganaba arreguir-me una mica pos ye domingo y no en tiengo atra cosa a fer, asinas que he veyito o vidio de Españistán a on un debuxant catalán explanica con guaire encierto iste poblema deinde una anviesta pogresista .

Labordeta, Canto a la Libertat

L'estaca

He Prenito a libertat de translatir ista polida canta de  Lluis Llach feita en 1968 ta exprisar iste nueu chasco que ta totz os qu'aimamos y proteixemos as luengas, a más a más as d'Aragón, suposa o ligallo  de gubernación feito dentre PP y PAR. O renaixer d'a dreita más espanyolizant que mai no s'haiga veyito- ie en democracia.

Si en quieres leyer más...

L'Augua Marina contaminata tamién an l'aria arredol de Fukushima

Muito s'ha puesto leyer  zaguerament sobre a calidat de l'augua de boca ta la chent que vive arredol d'ixa central nucliar accidentada per o  tierratremo y tsunami d'o  pasato diya 11 de marzo. Hué, mos xorrontan con unatra noticia amán d'iste trepuz, y ye que l'augua marina trobada en as proximidatz de Fukushima Daichi tamien bi ye contaminada con un alto endice de radioactividat ista vegada -1.200 vegadas a cantidat premitita legalment.

Libia trenca o Debat Nucliar antis d'ubrir-lo

Feban ya quantas semanas qu'en Libia se'n yeran metendo as cosas muito fieras ta las asperanzas democraticas d'o pueblo libio en luita. Encertau ye dizir que Libia ye un país muit suyizo, dominato per clans tribals y que más pareix una guerra cevil qu'atra cosa lo que ye pasando astí. Sin dembargo, Gadafi leva más d'un mes menazando a lo suyo pueblo y matando a aquells que li concaran. Cientos de libios han bosau con a suya vida concarar-se con ell.

Bi'n ha prou de centrals nucliars, bi'n ha prou de mentir-nos a totz!

Dende fa muitas anyadas, puestar que siga dende ixe triste diya 26 de abril de 1986 en que esclató a central nucliar de Chernobyl hemos ascuitau muitas trolas ditas per os tecnicos y más que más per os politicos que nusatros esleximos y que se suposaba que calerba que treballasen ta nusatros y ta nuestra seguridat. Sobretot en as zagueras calendatas se ha podito veyer as meyas verdatz quan no mentiras ubiertas que mos recentaban y continan recentando:

O Mundo ye un Roncho que Redola

Hué fan trenta anyadas qu'un inpresientable pretendié aturar o tiempo a punta de pistola mientres chilaba: "Quieto todo el Mundo!.
Enguán mos fa riso de sentir-lo.

Pensions Publicas

Sapebas que  a pensión meya  ye  enguán de 776 € en tota Espanya?

No ye una mala meya parando cuenta que i semos en epoca de crisi economica. Manimenos y per disgracia, o 73% de totas istas pensions se i troban cobaixo o Salario Minimo Interprofesional que hué ye de 641,40 €.

Me se fa que a resta, o 27 % restant no pas en tien d'os mesmos problemas quan se tracta soque de plegar a la fin de mes. Ista en ye a resta  a on se i troban ex-interpresarios, ex-directivos, ex-eixecutivos, y buen lumero de ex- treballadors tecnicos de grans interpresas.

Islandia no ye Noticia?

Pareix una trola pero agora que bi semos veyendo en totz os meyos de comunicación a moda de fer revolucions en os países arabes, una d'as revolucions más importantz -u mesmo a más- per o suyo simbolismo, mos ye pasata de bislai en totz os meyos de comunicación d'Espanya. Isto diz muit poc a favor d'a libertat periodistica n'iste estau de riso.

Pepin Tre

Ahier estié con unos amigos veyendo per enesima vegada a Pepin Tre  en a Campana de los Perdidos en Zaragoza. Bi heba tamien una muller tota capina que pareixeba de querer petar o show. Sindembargo, Pepin a qui sigo deinde qu'actuaba n'a Rosa de los Vientos d'o defunto Juan Antonio Cebrián en tien asabelas de tablas ta poder enfrontinar-se a situgacions parellanas y salié muit bien d'a mesma. Tant de bien que pareixeba estar parau u parti d'o show. No en yera  pas asinas.

Astí va como homenache a os risos que mos hemos feito con ell tantas de nueits, un vidio d'os suyos afers. De seguras que cuaca.

O Debantar d'un Bloc

Cutio s'ha dito que qui no plora no mama. De cutio se sape pero os aragoneses mai ploramos de puertas ta difuera sino que nusatros ploramos quan no mos veye dengún. Per qué estará?

Iste Bloc no ye feito tampoc no ta plorar . Pero si cal de fer-lo, se plorará,  y si ye menister d'arreguir-se,  s'arregirá, y se ferá lo que siga menister per que os prexins de qualqún están asinas, y os de yo profés que tamién. Talment siga iste bloc una excepción a lo regle d'alto, u talment me prexine ya qu'iste bloch i ye a casa mía, y per ixo me siento libre d'arreguir-me u de plorar. Como a cadagún, enchaquias me sobran ta fer as dos cosas.

Me petaba de fer un bloc a on poder exprisar os míos prexins, per muit suyizos qu'haigan d'estar y que de seguro estarán.