L'Augua Marina contaminata tamién an l'aria arredol de Fukushima

Muito s'ha puesto leyer  zaguerament sobre a calidat de l'augua de boca ta la chent que vive arredol d'ixa central nucliar accidentada per o  tierratremo y tsunami d'o  pasato diya 11 de marzo. Hué, mos xorrontan con unatra noticia amán d'iste trepuz, y ye que l'augua marina trobada en as proximidatz de Fukushima Daichi tamien bi ye contaminada con un alto endice de radioactividat ista vegada -1.200 vegadas a cantidat premitita legalment.


Isto ye asinas, seguntes os tecnicos perque cal haber una tresminada en a vasiella d'a central. De tal grandaria que fa que a radioactividat  en a mar remane alta en os proximos diyas y -quemisió si no en ye más de tiempo [ bell alcalde de l'aria que reculle a presonas budadas ha reconoixito que a suya situgación poderba enamplar-se mientres anyadas]. Tant y mientres s'ha enamplato l'aria de budada a 30 kilometros sin dizir-li a las chents as consecuencias de no budar difuera d'ixe aria.

Quala en ye  a enchaquia d'ixa tresminada en o reactor 3 pareix que pueda estar más platera a radiz d'as muestras  de l'augua marina recullitas per os tecnicos. N'ixas muestras, chiquetas cantidatz de cobalto y molibdeno  han estato trobadas y isto, seguntes o tecnico nucliar americán Michael Friedlander, cal deber-se a la robinadura normal  qu'ista central endura per lo suyo uso cutiano. Remerar nomás qu'ista central ye tant antiga como Garoña, as dos en tienen os mesmos sistemas de refrixeración  -poc confitables- que emplegan gasoil y as dos estioron establitas n'anyada 1971.

Faiga isto honra como aviso ta navatiadors.