Xorrontador:
En Espanya, o 0.0035% d'a población controla recursos equivalents a lo 80.5% d'o Producto Interior Bruto (PIB) de l'Estau. Encá, o venient gubierno salient d'os votadors (y l'anterior tampoc no) no creye pas convenient aplicar denguna mena de midas redistributivas como, per eixemplo, serba puyar o IRPF d'as clases més altas, una Tasa Tobin t'as Transaccions Financieras, puyar l'impuesto de Sociedatz ta grans interpresas,...etc,etc, etc.
Ta rematar, tos dixo con un articlo de Ignacio Escolar, amán d'o que escaicié en a primera anyada d'a Crisi. Més d'o mesmo, ha pasato en as dos anyadas venients y tot ixo explanica muit bien a cayedura permenada per o partiu socialista en istas eleccions de noviembre. Espernir as lechitimas aspiracions d'os tuyos votants ta satisfer intreses més inconfesables cutio en tien un pre en politica.
Estioron 12 meses tant de xorrontadors, tant dramaticos, que as grans fortunas espanyolas se tornoron un 27% més ricas. Os biens interpresarials d'Amancio Ortega se facioron un 37% més grans, os de Emilio Botín un 71%, os de Esther Koplowitz un 24%. O deficit, se multiplicó per cinco. O PIB tresbatié un 3.6% y l'ature adhubié o 18%. Pero qu'a miseria no acete o champán, que o 2009 tampoc no ha estato ta tant, que a Bursa ha puyato un 30% y ahiere abastó o suyo maximo anyal. Dende l'alto d'os 12000 puntos piramidals de l'IBEX 35. 12 meses de mierda mos alufran. A crisi ye asimetrica. Relativa (...)
Estioron 12 meses tant de largos, de cerenyos, tant de dificils, que un Gubierno socialista anuncié una puyada de peitas t'as clases meyas y t'os mileuristas, de vez qu'os més ricos continoron bosando o 1% dende as suyas SICAV. Estié una mida pogresista perque "Hacienda" i semos totz, y per ixo en Espanya os interpresarios declaran de meya menos renda qu'os treballadors u mesmo que os pensionistas.
Estioron 12 meses tant d'hipocritas, tant d'ixarrallonadors que o president d'a patronal, don Gerardo Díaz Ferrán, esbasto-ne demandando que se retallase en as cotizacions t'a Seguridat Social, de vez que en as suyas interpresas dreitament se'n deixó de bosar. Air Comet se estozó y os probes dentre os probes, os inmigrants que i yeran una anyada cabidando ta amostrar o bebé a os suyos yayos, se quedoron en tierra, apedecaus.
Goyoso Nadal. Tant y mientres Don Gerardo, en l'atro cabo d'a Galaxia, podié espleitar d'o suyo flamant Ferrari, un modelo tant d'exclusivo que nomás que 60 presonas de tot o mundo en tienen uno igual. As revueltas d'a crisi no son tant d'acetas quan se'n prenen a tota velocidat.
Un Año de Crisis.Ignacio Escolar en Público .
Cap comentari:
Publica un comentari a l'entrada
Dixa o tuyo comentario astí