Chirar ta Cuchas ta veyer a Surtida

Bi'n ha de alternativas. Lo asegura dende a portalada o libro d'os economistas Vicenç Navarro, Juan Torres y Alberto Garzón. Lo segundia en o suyo subtítol: “Proposas ta creyar d'emplego y buempasar social en Espanya”, un esbarre qu'a politica actual sentencia de incompatible.

Y lo argumenta un galet de ideyas trenatas con cifras que niegan cadagún d'os tarabidaus que emparan a corrient de pensamiento dominant.

No bi'n ha un exceso de gasto publico en Espanya, Bi ha una manca de ingreso que se'n puet ateclar. O rebaixón de chornals no amillora a competitividat, esmerma o gasto y, per tant, a requesta interna y aneula a os treballadors, que son obligaus a endebdar-se. Si o numero de servidors publicos estase parellán a lo sueco (25% de a población debant de lo 9% de Espanya), bi haberba millors servicios socials y se i creyarban cinco millons de empleyos. Pero, ta ixo, ye menister una estructura fiscal como a sueca, que premitise plegar 200.000 millons d'euros més anyals.

 "Hay Alternativas" proposa chornals més altos,  més inversión publica y una potent luita cuentra o frau ta salvar a lo país d'un present con os cabals cada vegada més concentraus. a on l'equivalent en recursos a lo 80.5% d'o P.I.B. ye controlau per una crica de només de 1.400 presonas.O solenco país d'a O.C.D.E. en o que no bi'n ha habita pas una puyada  real de chornals dentre 1995 y 2005. A on, per eixemplo,  os mayors recullidors de aduyas agrarias d'a  Unión  Europeya continan estando-ne a familia  Mora  Figueroa  Domecq, a Duquesa de Alba, o Duque del Infantado o a Companyía de Chesús”.



“Cambear ye difícil, pero continar per o mesmo camín ye simplament suicida”, diz o libro. ¿A quí? ¿Ta quí en ye escrito? “Ta chent que no  en ye d'alcuerdo con yo”, explanica a Público Juan Torres, catedratico de Economía Aplicata d'a Universidat de Sevilla. “Sindembargo, a chent tiende a leyer ta refirmar  as suyas posicions y ideyas, no ta concarar-las, asínas que me estó que van a leyer-lo més qui piensan como nusatros. Isto tamién fa honra. Enguán, ye muit important tener argumentos y no soque prencipios o creyencias”. Vicenç Navarro, politologo y economista, catedratico de Ciencias Politicas y Politicas Publicas d'a Universitat Pompeu Fabra de Barcelona y columnista de Público, aspera que “totas as presonas que son indignadas con lo que ye alcurrindo” paren cuenta “ que no cal acceptar l'argumento  que no bi'n ha atras opcions”.

Dezaga  d'o teorico mapa con un camín campasolo  no bi ha atra cosa que “luita de clases”, en diz o filosofo Noam Chomsky en o prelogo d'o libro,  tant y mientres remera as parolas  que  prenuncié en 1978 Douglas Fraser, president d'o poderoso sendicato estatounitense UAW: “Condeno a os dirichents d'a comunidat interpresarial per haber esleito a guerra de clases unilateral, en prechudicio d'a clase treballadera (…) y mesmo  d'os sectors d'as clases meyas”.