No ye una mala meya parando cuenta que i semos en epoca de crisi economica. Manimenos y per disgracia, o 73% de totas istas pensions se i troban cobaixo o Salario Minimo Interprofesional que hué ye de 641,40 €.
Me se fa que a resta, o 27 % restant no pas en tien d'os mesmos problemas quan se tracta soque de plegar a la fin de mes. Ista en ye a resta a on se i troban ex-interpresarios, ex-directivos, ex-eixecutivos, y buen lumero de ex- treballadors tecnicos de grans interpresas.
Ista mesma mena de chent, en o mercau laboral, farcha en gran mida a crica que cotiza per os alazetz maximos a la Seguridat Social, una crica de chent que en puet de sobrepasar mesmo os dos millons de presonas enguán ( más d'un 10% de totz os cotizantz que bi heba en Espanya, 17,4 millons a otubre de 2010)
O botifuera d'os suyos ingresos per l'exceso d'os suyos chornals topaus, puet en plegar dica lo 45 % de meya salarial que no en cotiza pas. Suposando allora, un trascole directo a los plans de pensions individuals u mesmo a lo consumo. Ells pueden fer plans de pensions con os diners que dixan de cotizar a la Seguridat Social y que fan qu'ista siga menos rentable ta nusatros.
Sindembargo, ixa no ye una opción ta lo 90% restant de treballadors activos -y agora no tan d'activos- que cotizan sobre tot o chornal que en ganan y en tenendo problemas ta fer a merca diyaria, agún confitan en en a chusta distribución d'o cabal a traviés d'un Estau Social y de Dreito que se mire per satisfer os menesters de totz os suyos ciudadans a traviés d'as pensions contrebutivas.
Muitos de nusatros no mos podremos achubilar mai gracias a lo nueu alinie d'o sistema de pensions feito per un gubierno cada díya más nioliberal y de dreitas (esconoixito de raso ta ros suyos votantz, socialistas y de cuchas totz ells) que ha crebau china-chana en quatre anyadas con totz os prencipios qu'a social democracia en tien y que están alazetalment :"de casagún seguntes as suyas capacidatz y habilidatz; a cadagún seguntes os suyos menesters".
Y ye que resulta guaire facil fer retalladas cutio per a parti más feble y no mirar-se mai de correchir as imperfeccions y sinchusticias qu'un sistema como a nuestra Seguridat Social [que a penar d'a crisi encara disfruta de superávit] en tien.
Cap comentari:
Publica un comentari a l'entrada
Dixa o tuyo comentario astí