Hué, he quiesto penchar astí una translacción d’o texto d’o movimiento entrenacional 15-M ta esbellugar a ras chents ta manifestar-se o venient 15 d’octubre n’as carreras cuentra o dominio d’os banquers d’a nuestra clica politica. Creigo que fa honra d’espardir iste mensache ta prebar de rechirar una situgación tant de sinchusta como menazadera ta ra democracia.
O venient 15 d’octubre, pueblos de tot lo mundo surtirán ta ras suyas carreras y plazas. Deinde America ta l’Asia y deinde Africa t’a Europa, as chents se son devantando ta fer valer os suyos dreitos y demandar una democracia real. Agora ye inte t’achuntar-nos totz en una protesta global y no violenta.Os poders enfilants nomes treballan que per l’esquimen d’uns poquetz mientres ignoran a voluntat d’a graniza mayoría, asinas como tamién l’alto pré human y meyoambiental que femos d’apocar totz. Ista situgación inestraficable cal rematar-la.Chuntos en una solenca voz, feremos saper a ros politicos y a ras elites financieras a quí sirven, que mos pertoca a nusatros, o pueblo soberán, decidir o nuestro esdevenider.No semos pas cabals n’as mans de politicos y banquers que no mos represientan.Lo 15 d’octubre mos trobaremos n’as carreras ta prencipiar ixe cambeo global qu’aimamos . Tant y mientres, mos manifestaremos pacificament , charraremos y mos organizaremos dica que lo faigamos a ixena posible.Ye hora ya d’achuntar-nos totz , ye hora ya de que mos ascuiten!Pueblo d’o mundo, esbelluga-te lo venient 15 d’octubre!.
Cap comentari:
Publica un comentari a l'entrada
Dixa o tuyo comentario astí