No aimo sacar culpas a no dengún d’a crisi economica n’a que ye metida Espanya deinde fa bellas anyadas. Manimenos, hué yera veyendo vidios per Internet sobre quientas explanicacions a l’orichen d’ista y, cómo no, se i troba ún bell unas muit esferents .
M’aganaba arreguir-me una mica pos ye domingo y no en tiengo atra cosa a fer, asinas que he veyito o vidio de Españistán a on un debuxant catalán explanica con guaire encierto iste poblema deinde una anviesta pogresista .
Quála no ha estato a mía percutida quan he puesto veyer dimpués una cuentrarefetada feita per un tall “josemaría”, jeje (qué orichinal) deinde as dreitas.
He quiesto penchar astí os dos vidios ta que, si tos agana, podatz contimparar as qualidatz tecnicas y intelectuals d’un y d’atro.
No me percute cosa qu’os intelectuals de tot o mundo sigan cutianament chents de cuchas. Manimenos, perén me percutirá o feito de que os fachas d’as caviernas sigan capables de convencer a chents humildas ta que lis voten, mes que mes quan s’espullan con vidios demagogos com’iste.
Si en quieres leyer más...
Cap comentari:
Publica un comentari a l'entrada
Dixa o tuyo comentario astí