17 de febr. 2013

Portugal ye farto: "O povo é quem mais ordena"

O primer ministro portugués, Pedro Passos Coelho, charraba fa no guaire en o debat quinquenal con os deputaus d'ixe país arroclaus en sesión plenaria, quan estié interrompito per o publico que en yera en os costaus d’a cambra y que encetó a cantar “Grândola Vila Morena", a canta que pretó o fuego inicial d’a Revolución d’os Clavels. Allora, o Movimento das Forças Armadas la esleixié  ta restablir un rechimen democratico en o país, fendo-la servir en transmitir per Rádio Renascença a sinyal t'a sublevación. Asinas,  ista canta, que encetó l’etapa democratica portuguesa, metié fin a ra dictadura salazarista de l’Estado Novo

Estié, ista vegada, una acción protagonizada per os activistas d’a colla Que se Lixe a Troika, Que se flora ra Troika, integrada en a movilización ta ra graniza manifestación que se’n ye parando en Portugal ta ro 2 de marzo. Manifestación en protesta d’as retalladas gubernamentals y d’as imposicions foranas d’a Troika (BCE, Comisión Europeya y FMI). Troika que fastia a ro pueblo portugués y que ha levato a Portugal enta ra miseria y ra graniza depresión que en pateix. 






Quizau ista polidisma canta de Zeca Afonso que tos deixo-ie, simbolo de democracia pueda estar tamién sinyalando-nos o comencipio d’a nueva transición enta una democracia real, democracia que ra ciudadanalla d’os arredols d’Europa levamos tiempos angluciando...

Portugal ya en ha prou de Troika:

O povo é quem mais ordena
O pueblo ye qui manda més

Ir-ne ta escargar

Cap comentari:

Publica un comentari a l'entrada

Dixa o tuyo comentario astí