Os ricos no creyan emplegos

En marzo de 2012, l’establidor de Amazon y gear.com, Nick Hanauer, un d’os inversors més importants d’os Estatos Unitos, amaneixié en a conferencia organizada per o TED ("Technology Entertainment and Design") debant d’un publico composau per bell uns d’os  més importants interpresarios estatounitenses y dicié: 

“Si ye verdat que mantener baixos os impuestos d’os més ricos fese més emplegos, enguán serbanos fandius d’ofiertas de treballo”. 

Manimenos, no ha sito dica fa bell pocs diyas que o popularment coneixiu como TED, reputau organismo adedicau ta organizar charradas mainadas ta ras elites, decidié  no publicar o vidios d’a suya partecipación,  en considerar-lo inapropiau, polemico  y  partidista.

En a suya conferencia, Hanauer, esfendeba a puyada d’impuestos dentre as clases més podients de Estatos Unius, ya que no son ellas, sino a clase meya,  entrepenedora y consumidora  de vez, qui produix  més puestos de treballo. 

“He comencipiato u aduyato a encetar ducenas de negocios y he  contractato un fascal de chent. Pero si dengún no hese  tenito de diners ta mercar lo que ufribanos, totz ixos negocios s’haberban esvaneixito y con ells, os puestos de treballo” quaternaba  l’inversor. “ixo ye por  lo que puet dicir con confitanza que ros ricos no creyan treballo ni fan negocios, ni grans ni chiquetz”.

¿Qué fa especial  o caso d’Hanauer? Que se tractaba d’un inversor, aplaudito unanimement per os suyos logros, enfilando-se cata un publico feito de grans fortunas. Y que, per si estase poc, clamaba ta ra suya experiencia como interpresario ta chustificar una mayor igualdat fiscal.

Manimenos, baix l’hipotetico quebrantismo d’Hanauer, no s’amaga un revolucionario reparto d’os cabals, ni tampoc  no una enrestida indiscriminada a ros amos d’o capital, sino aprecisadament, un camín de salida cara ta una crisi que, seguntes ell, pasa per enfortir as clases meyas y baixas dau que en son qui consumen os productos que ros interpresarios creyan ta ells.

Y a penar de tot, gran parti do publico se sintié aludiu, sinyalau y estorbau per os afirmamientos d’o licenciau en Filosofía per a Universidat de Washington.

Tos deixo astí o vidio soztetulau en castellán d'a conferencia d'Hanauer en o TED que se miró de censurar sin garra exito y que aimamos compartir hue: Per lo intresant, mereix o penar de meter-li ficacio.