25S Salut y Rispeto!

Ahiere, 25 de septiembre,  chent de toda Espanya s'achuntó en Madrit ta protestar unatra vegada més cuentra os retalles d'o gubierno. Se tractaba, en sapetz, d'un acto simbolico. Caleba rodiar o Congreso d'os Diputaus ta exprisar a decepción que ta lo pueblo de l'Estau espanyol suposa as politicas de refirme financiero y ixupliu social.

 Sapetz tamién qu'ista manifestación pacifica remató de malas trazas con a policia repartindo trucazos y patadas d'entre os manifestants, bell uns no tant pacificos seguntes as imachens   amostradas en a televisión. A rispuesta d'a policía estié proporcional seguntes ixos mesmos meyos. Ye emburzant o concepto tant rarizo que tienen istos "profesionals" d'a parola "proporcionalidat".

Os meyos son dicindo muitas cosas que call leyer y ascuitar con un pensamiento cretico. Por eixemplo,  se'n diz que os manifestants yeran prevocando a ra policia y que a rispuesta donada per ista yera guaire proporcional. Seguntes istos pseudoperiodistas ye proporcional l'emplego de empentons  porras, y escutos cuentra chent que lis falta u mesmo lis uella  malament. Porque ixo ye lo que facié a mayoría d'a chent astí achuntada  que recullié os empentons y trucazos d'a policía.

Antimés se'n diz y secundia deinde totz os meyos estatals que a cantidat de ferius iéstié parella d'entre manifestants y policías cosa que ye quasi miraglosa (per no dicir que ye una mentira flagrant) si paramos cuenta d'a proporción que bi-heba y armas con que contaban unos y atros.

Antimés toda a violencia escomencipié quan una colla de chent encapuchada y repropiada per a graniza mayoría de manifestants se enfrontinó a ra policía. Ista esconeixita colla yera de encapuchaus y portiaban banderas royas muito sospeitosas sin denguna traza de logo.

   

Os vidios grabaus pareixen endicar que muit bien poderba tractarse de policias infiltraus ta esclatar una manifestación pacifica y asinas chustificar os agresivos tetulars d'a prensa espanyola d'o diya venient cuentra o movimiento 25S.

Pero de totz os bulos que se'n dicen talment o més rediclo siga o recuento que fa a Delegación d'o Gubierno de Madrid respective a ra asistencia de manifestants. As fuerzas de "seguridat" cifran a mesma en 6.000 presonas. 

Qualsiquiera que haiga podito veyers as imachens ufritas en televisión y tienga dos didos de frent sape que con a Plaza Neptuno de  Madrit emplida de chent y con as carreras d'arredol prestas  a esbotar no ye atra cosa que una goyata mentira que no   mereix o ficacio de no dengún y que ni sisquiá os més encerrinaus peperos están capables de creyer.

Talment, en tenisen ragón os manifestants en cantar ta ra policía "Ahí está el fracaso escolar!", ye platero que as cuentas no las dominan pas.

Ye penible que todas ixas desacheracions y bulas s'haigan extendillato deinde os meyos de prensa y television, mesmo d'ixos que se dicen independients como Telecinco y que en amostrar istas goyatas mentiras como si estasen verdatz no fan que espullar-se as suyas vergüenyas y limitacions  debant d'a suya audiencia.

Pasan de estar prensa rispectable a esdevenir en voceros d'un Rechimen que ye fendo ya auguas a todas caras.  Rechimen que espleita cada diya de menos credibilidat y denguna lechitimidat deinde fa ya muitos meses.

Vaiga iste sencillo post en rispeto y homenache a totz os  ciudadans  que eixercindo o suyo  dreito de reunión rematoron ferius  u detenius, -d'entre ells un ciudadán aragonés- en Madrit per una policía  més propia de tiempos franquistas que de una democracia desenvolicada. 

Ent'alto y a plantar fuerte!